Parla con milliones

Centos milliones personas comprende interlingua immediatemente - sin studios. Le fundamento de interlingua es le vocabulario international. Le grammatica es totalmente regular. Usa interlingua pro tu contactos international - nulle complicationes.

Le plus facile in le mundo

Interlingua es le lingua le plus facile in le mundo. Tu apprende interlingua in tempore record, e tu usa interlingua immediatemente.

Litteratura ric

Le litteratura in interlingua es ric: Original e traducite. Belletristica e professional. Classic e moderne. Dictionarios, manuales, grammaticas. Libros imprimite, libros digital e audiolibros. E naturalmente magazines in interlingua como Panorama in interlingua.

Comprende le mundo

Con interlingua tu comprende multe linguas. Novas, sitos in Internet e textos in francese, espaniol, italiano e portugese es comprensibile. Le mundo se extende.

Clave a nove linguas

Interlingua es le clave a nove linguas. Studia interlingua, e tu apprende multo plus facilemente le linguas romanic, anglese e le parolas international de tu lingua materne.

Presentation international

Interprisas, organisationes, museos, autoritates, associationes touristic etc. pote usar interlingua pro presentar se a un publico global. Multo facile con un lingua!

Organisationes national

Interlingua ha organisationes national in multe paises con arrangiamentos e cursos local. Benvenite como membro in tu organisation national e in le Union Mundial pro Interlingua!

Inspiration in interlingua

Visita le sito presente pro reciper inspiration a discoperir nove manieras a usar interlingua.